ߞߑߣߌߦߊ߫ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߛߍ߬ߘߏ߲ ߘߏ߫ ߞߐ ߝߍ߬߸ ߡߐ߰ ߁߆ ߟߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫ ߏ߬ ߛߋ߲߭ߝߍ߬߸ ߊ߬ ߣߌ߫ ߞߊ߬ ߡߐ߰ ߛߌߦߊߡߊ߲߫ ߝߣߊ߫ ߖߐߞߌ߫، ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫ ߞߏ߫ ߊ߬ߟߎ߫ ߞߊ߬ ߞߊ߬ߝߏ߬ߖߊ߬ߛߏ߲߬ߞߏ ߟߋ߬ ߓߊ߬ߟߌ߬߸ ߏ߬ ߥߊ߯ߕߌ ߡߍ߲ ߠߊ߫߸ ߝߘߊ߬ߝߌ߲߬ߠߊ߫ ߞߋ߬ߟߋ߲߬ߧߊ ߘߍ߬ߣߍ߲ ߞߙߎ (ߡ ߟ ߛ ߣߌ߫ ߛ ߞ ߘ ) ߞߵߊ߬ ߟߊߢߌߣߌ߲߫ ߞߏ߫ ߞߊ߬ ߛߍ߯ߛߍ߯ߟߌ߫ ߞߍ߫ ߓߋ߬ߒ߬ߞߊ߲߬ߠߌ߲ߞߏ ߣߌ߲߬ ߞߊ߲߬، ߞߑߣߌߦߊ߫ ߞߏߕߌ߯ ߞߌߔߑߗߎ߲ߓߊ߫ ߡߎߙߑߞߏߡߍ߲߫ ߞߊ߬ ߕߐ߲ߓߟߏߡߊ ߟߎ߬ ߕߊ߲߬ߘߏ߫߸ ߞߏ߫ ߊ߬ߟߎ߬ ߛߋ߫ ߘߴߊ߬ߟߎ߫ ߖߘߍ߬ߘߐߡߌ߬ߘߊ߬ ߟߊ߫߸ ߊ߬ ߣߌ߫ ߞߊ߬ ߞߊ߬ߝߏ߬ߖߊ߬ߛߏ߲߬ߞߏ ߘߐߛߊ߬.
ߞߏߕߌ߮ ߣߌ߲߬ ߠߊ߫ ߞߎߡߊ߫ ߘߐ߫ ߝߣߊ߫߸ ߊ߬ ߣߌ߫ ߞߏ߫ ߞߎ߲߬ߠߊ߬ߛߌ߰ߟߊ ߟߎ߬ ߣߴߊ߬ߟߎ߬ ߟߊ߫ ߛߌߟߊ߫ ߜߍߟߍ߲ ߠߎ߬ ߦߋ߫ ߕߴߊ߬ ߞߏ ߘߊߞߘߐ߫߸ ߞߏߕߌ߯ߘߊ ߞߊ߬ ߟߊ߬ߥߊ߲߬ߞߊ߲߬ߠߌ߲ ߏ߬ ߞߍ߫ ߞߎߣߎ߲߬ ߟߊ߬ߛߋ߬ߟߌ ߘߏ߫ ߘߐ߫، ߏ߬ ߥߊ߯ߕߌ߫ ߞߋߟߋ߲߫ ߝߘߊ߬ߝߌ߲߬ߧߊ߫ ߞߋ߬ߟߋ߲߬ߧߊ ߘߍ߬ߣߍ߲ ߣߌ߫ ߊߘߊߡߦߊ ߤߊߞߍ߫ ߟߎ߬ ߡߞߊߘߊ߲߫ ߞߙߎ ߟߎ߬ ߣߴߊ߬ߟߎ߬ ߣߐ߰ߟߊ ߞߵߊ߬ߟߎ߬ ߟߊ߫ ߛߎ߬ߣߎ߲ ߦߌ߬ߘߊߞߊ߬ ߝߊ߰ߟߌ߬ߞߏ ߣߌ߲߬ ߞߊ߲߬، ߊ߬ߟߎ߫ ߞߵߊ߬ ߟߊߢߌߣߌ߲߫ ߞߏ߫ ߞߊ߬ ߢߊ߬ߢߌ߬ߣߌ߲߬ߠߌ߲߬ ߖߐ߲ߖߐ߲߫ ߞߍ߫ ߊ߬ ߞߏ ߞߊ߲߬߸ ߡߊ߲߬ߕߏ߲߫ ߘߍ߬ߣߍ߲ ߖߋ߬ߕߌ߰ߘߊ ߞߎ߲߬ߕߌ߮ ߋߟߌߖ߭ߊߓߍߕ ߕߙߏߛߍߟ ߞߵߊ߬ ߝߐ߫ ߞߏ߫ ߕߐ߲߫ ߓߟߏߡߊ ߟߎ߬ ߡߊ߲߫ ߞߊ߲߫ ߞߊ߬ ߡߎ߮ ߕߋ߬߸ ߣߌ߫ ߝߊ߲߬ߝߘߊ߬ ߖߐ߲ߖߐ߲߫ ߜߘߍ߫ ߛߌ߫ ߟߋ߬ ߕߴߊ߬ߟߎ߬ ߓߟߏ߫.
ߞߑߣߌߦߊ߫ ߘߍ߬ߡߍ߲߬ߠߌ߲߬ ߞߙߎ ߘߏ߫ ߟߎ߫ ߟߊ߫ ߖߊ߬ߕߋ߬ߡߌߣߊ ߓߟߏߡߊ߬߸ ߛߊ߬ߓߊ߰ߕߐ ߦߋ߫ ߡߐ߰ ߁߆ ߟߋ߬ ߘߌ߫߸ ߖߐߞߌߓߊ߯ߕߐ ߦߋ߫ ߡߐ߰ ߄߀߀ ߢߐ߲߰ ߘߌ߫، ߏ߬ ߛߐ߬ߘߐ߲߬ ߘߊ߫ ߞߎߣߎ߲ߟߏ߲ ߖߡߊ߬ ߟߊ߬ߓߐ ߟߋ߬ ߛߋ߲߭ߝߍ߬߸ ߏ߬ ߡߍ߲ ߞߎ߲߭ ߕߘߍ߬ ߦߋ߫ ߡߙߌ ߟߊߛߋߦߌ߲ ߘߌ߫ ߂߀߂߄ ߞߊ߬ߛߙߊ߬ߓߊ߰ߕߐ ߟߎ߬ ߦߋ߫߸ ߡߐ߰ ߁߆ ߝߊ߰ ߘߊ߫ ߏ߬ ߡߍ߲ ߛߋ߲߭ߝߍ߬߸ ߊ߬ ߣߌ߫ ߞߊ߬ ߡߐ߰ ߛߌߦߊߡߊ߲߫ ߝߣߊ߫ ߖߐߞߌ߫.
