ߓߌ߬ ߛߌ߬ߣߌ߲߬ߟߏ߲ ߛߐ߱ߡߊ߬߸ ߥߎ߬ߟߎ߫ ߝߊ߬ߕߐ ߟߋ߬ ߖߊߡߊ߲߫ ߘߊ߫ ߦߋ߲߬ ߞߵߊ߬ ߗߍ߫ ߡߐ߱ ߟߎ߬ ߞߊ߲߬߸ ߊ߬ ߦߋ߫ ߘߊ߫ ߟߋ߬ ߡߐ߰ ߟߎ߬ ߓߟߏ߫߸ ߊ߬ ߓߘߴߊ߬ ߛߊߙߌ߫ ߡߐ߰ ߞߋߟߋ߲߫ ߞߊ߲߬߸ ߞߊ߬ ߝߌߟߊߣߊ߲ ߝߣߊ߫ ߡߌ߬ߘߊ߬، ߞߣߵߊ߬ ߟߊ߫ ߗߍߒߞߊ߲ߠߌ߲ ߟߊߓߊ߲߫ ߡߐ߰ ߇ ߡߊ߬، ߖߐߞߌߓߊ߯ߕߐ ߟߎ߬ ߞߏ߬ߣߌ߲ ߕߊ߬ ߘߊ߫ ߟߋ߬ ߏ߬ ߘߐ߫ ߛߌߣߍ߲߬ ߞߊ߬ ߘߊ߲ߘߊߛߏ ߡߊߜߍ߲߬߸ ߥߎ߬ߟߎ߫ ߞߏ߬ߣߌ߲ ߠߊ߫ ߡߐ߰ ߗߌ߲ߕߊ ߝߟߐ ߞߍ߫ ߘߊ߫ ߡߏ߬ߛߏ ߡߍ߲ ߘߌ߫߸ ߏ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߅߀ ߖߊ߬ߕߋ߬ߦߊ ߟߋ߬ ߘߐ߫߸ ߣߴߊ߬ ߕߐ߮ ߦߋ߫ <ߓߊߦߌߟߊ߲߫-ߎ߬-ߊ߫-> ߘߌ߫، ߊ߬ߟߋ ߦߋ߫ ߞߌ߲߬ߘߊ ߕߐ߲ߓߊߟߋ߲ ߠߋ߬ ߓߍ߬ߙߍ-ߟߊ߫، ߊ߬ ߝߌ߬ߟߊߣߊ߲ ߦߋ߫ ߓߐ߬ߟߐ߲߬ߞߊ߬ ߡߊߞߎߙߊ߫ ߞߋߕߊ߬ ߘߌ߫߸ ߊ߬ߟߋ ߛߌ߬ߞߛߊ߬ߓߌ ߦߋ߫ ߛߊ߲߬ ߄߀ ߖߊ߬ߕߋ߬ߦߊ ߟߋ߬ ߘߐ߫، ߊ߬ߟߋ ߝߣߊ߫ ߦߋ߫ ߞߌ߲߬ߘߊ ߞߐߙߑߣߍߛ ߟߋ߬ ߟߊ߫، ߛߓߊߣߊ߲ ߦߋ߫ ߡߊ߬ߡߊ߬ߘߎ߬ ߊߟߌߦߎ߬ ߓߊߙߌ߫ ߘߌ߫߸ ߣߴߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߁߂ ߘߌ߫߸ ߊ߬ ߟߊ߫ ߞߌ߲߬ߘߊ ߦߋ߫ ߟߍ-ߘߐ߫ ߛߊ߲ߕߌ߬ߙ ߟߋ߬ ߘߌ߫.
ߣߊ߯ߣߌ߲ߣߊ߲ ߦߋ߫ ߊߡߊߘߎ߬ ߞߎ߬ߙߎߡߊ߬ ߘߌ߫߸ ߣߴߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߂߀ ߖߊ߬ߕߋ߬ߦߊ ߘߐ߫߸ ߊ߬ߟߋ ߦߋ߫ ߞߌ߲߬ߘߊ߫ ߞߙߎ߬ߛߊ߬ߞߎߘߊ߫ ߟߋ߬، ߟߏ߯ߟߎߣߊ߲ ߦߋ߫ ߓߐ߬ߟߐ߲߬ߞߊ߫ ߝߌ߲߬ߘߊ߫ ߋ߬ߟߌߖ߭ߊ߬ ߘߌ߫߸ ߣߴߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߃߈ ߓߙߍ߬ߦߊ ߘߐ߫߸ ߊ߬ߟߋ ߝߣߊ߫ ߟߊ߫ ߞߌ߲߬ߘߊ߫ ߦߋ߫ ߞߐߙߑߣߌߛ ߟߋ߬ ߘߌ߫، ߥߐ߯ߙߐߣߊ߲ ߦߋ߫ ߛߋߞߎ߬ ߕߎ߬ߙߋ ߘߌ߫߸ ߣߴߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߁߀ ߓߙߍ߬ߦߊ ߘߐ߫߸ ߊ߬ߟߋ ߝߣߊ߫ ߟߊ߫ ߞߌ߲߬ߘߊ ߦߋ߫ ߞߐߙߑߣߌߛ ߟߋ߬ ߘߌ߫، ߊ߬ ߡߐ߰ ߥߐ߬ߙߐ߲߬ߝߌ߬ߟߊ߬ߣߊ߲ ߦߋ߫ ߦߊߡߛߎ ߟߋ߬ ߘߌ߫߸ ߣߴߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߁߆ ߖߊ߬ߕߋ߬ߦߊ ߘߐ߫߸ ߊ߬ߟߋ ߝߣߊ߫ ߦߋ߫ ߞߌ߲߬ߘߊ߫ ߞߙߎ߬ߛߊ߬ߞߎߘߊ߫ ߟߋ߬، ߡߐ߰ ߇ ߢߌ߲߬ ߠߎ߫ ߟߋ߬ ߖߐߞߌ߫ ߘߊ߫ ߥߎ߬ߟߎ߫ ߝߊ߬ߕߐ ߣߌ߲߬ ߓߟߏ߫߸ ߞߏ߬ߣߌ߲߬߸ ߡߍ߲ ߜߟߍ߬ߡߊ߲߫ ߣߌ߲߬ ߓߍ߯ ߘߌ߫߸ ߥߎ߬ߟߎ߫ ߝߊ߬ߕߐ ߓߊ߯ ߗߌ߲ߠߌ߲ ߞߍ߫߸ ߓߊߛߌ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫ ߊ߬ ߟߊ߫߸ ߏ߬ ߟߎ߫ ߛߐ߬ߘߐ߲ ߡߊ߲߫ ߣߐ߲߰.
ߊ߬ ߞߏ߬ߣߌ߲߸ ߘߊ߲ߘߊߟߌߟߊ ߊߡߙߊ߫ ߥߎ߬ߟߊ߬ߙߋ߫ ߞߏ߬ߣߌ߲ ߞߵߊ߬ ߘߐ߱ߘߏ߲߬ ߖߐߞߟߌߓߊ߯ߕߐ ߟߎ߬ ߟߊ߫߸ ߓߊߛߌ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫ ߖߋߟߌ ߟߎ߬ ߟߊ߫߸ ߊ߬ ߞߊ߬ ߏ߬ ߟߎ߫ ߞߍ߫ ߊ߬ߟߎ߬ ߟߊ߫، ߞߏ߬ߣߌ߲߬߸ ߡߍ߲ ߞߎ߲ߝߊ߲ ߦߋ߫ ߦߋ߲߬߸ ߦߏ߫ ߘߊ߲ߘߊߟߌߟߊ ߓߍ߯ ߦߴߊ߬ ߞߊ߬ߟߊߡߊ߬ ߢߊ߫ ߡߍ߲ ߞߵߊ߬ ߝߐ߫ ߞߏ߫ ߣߌ߫ ߥߎ߬ߟߎ ߞߊ߬ ߡߐ߱ ߗߌ߲߫ ߛߓߍ߫ ߕߴߊ߬ ߟߊ߫߸ ߌ ߞߊ߫ ߞߊ߲߫ ߞߵߌ ߓߌ߬ߟߊ߬ ߥߟߎ߬ ߔߌߞߑߙߌ߫ ߟߋ߬ ߞߐ߫، ߓߊߏ߬߸ ߊ߲ ߓߍ߯ ߦߋ߫ ߛߌߟߊ߲߫ ߠߊ߫ ߥߎ߬ߟߎ ߟߊ߫ ߖߊ߲߬ߞߊߙߏ ߡߍ߲ ߢߍ߫߸ ߞߏ߫ ߙߊߖ߭، ߊ߬ ߘߏ߲߬ ߣߴߏ߬ ߞߊ߬ ߡߐ߱ ߡߌ߬ߘߊ߬߸ ߓߊߛߌ߫ ߕߴߊ߬ ߟߊ߫߸ ߐ߲߹ ߣߴߏ߬ ߘߏ߲߬ ߞߍ߫ ߘߊ߫߸ ߏ߬ ߞߐߝߟߌ ߦߋ߫ ߡߎ߲߬ ߘߌ߫؟
ߏ߬ ߟߋ߬ ߛߊ߬ߦߊ ߘߌ߫، ߏ߬ ߘߐ߫ ߝߏ߫ ߞߊ߬ ߝߍ߬ߙߍ ߓߍ߯ ߟߋ߬ ߞߍ߫߸ ߣߌ߫ ߥߎ߬ߟߎ ߞߊ߬ ߡߐ߱ ߗߌ߲߫߸ ߊ߬ ߜߟߍ߬ߦߊ ߞߊߣߊ߬ ߛߴߊ߬ ߝߐ ߘߐ߫ ߞߏ߫ ߙߊߖ߭، ߓߘߴߊ߬ ߡߌ߬ߘߊ߬، ߞߊ߬ߕߎ߲߯߸ ߙߊߖ߭، ߕߍ߫ ߡߐ߰ ߛߌ߫ ߟߋ߬ ߡߌ߬ߘߊ߬ ߟߊ߫߸ ߞߏ߫ ߊ߬ ߘߌ߫ ߓߐ߫ ߊ߬ ߘߐ߫، ߏ߬ ߞߣߐߡߊ߬߸ ߥߎ߬ߟߎ ߓߊ߯ ߡߐ߱ ߗߌ߲߫߸ ߣߌ߫ ߛߓߍ߫ ߕߴߊ߬ ߟߊ߫߸ ߊ߬ ߞߍ߫ ߘߊ߫ ߥߎ߬ߟߎ ߛߎ߯-ߎ߫-ߛߎ߯ ߟߋ߬ ߘߌ߫، ߦߋ߫ ߌ ߓߌ߬ߟߊ߬ ߟߊ߫ ߏ߬ ߔߌߞߑߙߌ߫ ߟߋ߬ ߞߐ߫߸ ߤߊ߲߯ ߦߴߊ߬ ߡߊߛߐ߬ߘߐ߲߬ ߕߎ߬ߡߊ߬ߣߊ ߡߍ߲ ߠߊ߫، ߞߕߌߢߍߟߐ ߞߏ߬ߣߌ߲߬ ߞߊ߬ ߡߙߌߘߐ ߡߍ߲ ߕߵߊ߬ ߞߏ ߞߊ߲߬߸ ߏ߬ ߟߋ߬ ߞߍ߫ ߘߊ߫ ߘߏ߲߬ߛߏ ߟߎ߬ ߟߊ߫ ߟߐ߲ߠߌ߲ ߘߌ߫߸ ߞߏ߫ ߞߊ߬ ߝߙߍ߬ ߞߍ߫ ߞߵߊ߬ ߟߋ߫ ߥߎ߬ߟߎ߫ ߝߊ߬ߕߐ ߓߍ߯ ߓߏ߲߫ ߞߵߊ߬ߟߎ߬ ߝߊ߰؛ ߥߟߎ߬ ߞߋߟߋ߲߫ ߠߋ߬ ߞߊ߬ ߡߐ߰ ߇ ߣߌ߲߬ ߓߍ߯ ߡߊߘߌߡߌ߲߫ ߤߊ߲߫߹
