ߊ߬ ߞߎߡߊ ߕߘߍ߬ ߓߘߊ߫ ߜߊ߬ ߕߋ߬ߟߋߝߌ߬ߟߊ߫ ߣߌ߲߫ ߘߐ߫ ߞߏߛߓߍ߫߸ ߓߊ߬ߙߌ߬߸ ߛߌߞߊ߫ ߕߴߊ߬ ߘߐ߫ ߓߎ߬ߕߎ߲߬߸ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߣߌ߫ ߙߏߥߊ߲ߘߊ߫ ߟߊ߫ ߓߍ߲߬ߞߊ߲߬ ߞߟߊߣߐ߯ߦߊߟߌ ߞߍ߫ ߘߊ߫ ߟߋ߬ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬، ߊߟߊߞߏ߬߸ ߞߍ߬ߟߍ ߦߋ߫ ߓߊ߲߬ ߓߍ߯ߦߊ߫ ߞߐߘߐ߲ ߘߐ߫߸ ߏ߬ ߞߍ߬ߟߍ ߡߍ߲ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߡߐ߰ ߛߌߦߊߡߊ߲߫ ߓߣߐ߬ ߊ߬ߟߎ߫ ߣߌ ߘߐ߫߸ ߟߊ߬ߘߍ ߘߏ߫ ߟߋ߬ ߓߍߣߊ߬ ߞߍ߫߸ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߊ߲ߕߌ߮ ߝߋߟߌߞߛ ߗߌߛߞߋߘߌ߫ ߣߌ߫ ߙߏߥߊ߲ߘߊ߫ ߞߊ߲ߕߌ߮ ߔߏߟ ߞߊߜ߭ߊߡߊ߫ ߣߌ߫ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ، ߓߟߏ߫ ߞߊ߬ߙߌ߬ߝߐ ߣߊ߬ߕߐ ߟߊߓߊ߲ ߠߊ߫؛ ߞߟߊ߬ߣߐ߰ߦߊ߬ߟߌ ߞߐ ߝߍ߬ ߊ߬ߟߎ߫ ߓߟߏ߫ ߓߍ߲߬ߞߊ߲߬ ߛߓߍ ߞߣߐ߫߸ ߓߍ߯ߦߊ߫ ߞߏ߲߬ߞߏ߬ ߞߏߕߌ߯ ߢߍߡߐ߮ ߣߌ߫ ߙߏߥߊ߲ߘߊ߫ ߞߏߕߌ߯ ߢߍߡߐ߮ ߞߊ߬ ߓߟߏߘߌߢߐ߲߰ߡߊ ߟߋ߬ ߞߍ߫ ߦߋ߲߬ ߌߞߘߐ߫ ߊߡߙߌߞߌ߬ ߞߏߕߌ߯ ߢߍߡߐ߮ ߢߣߊ߫.
ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߐߞߊ߲ߞߏ ߞߏߕߌ߮ ߕߍ߬ߙߍߖ߭ ߝ߭ߊߣߑߣߍߙ ߟߋ߬ ߞߊ߬ ߓߍ߲߬ߞߊ߲߬ ߞߎߘߊ ߣߌ߲߫ ߛߍߓߍ߲ߒߕߋߦߊ߫، ߖߡߊ߬ߣߊ ߝߌ߬ߟߊ ߟߎ߬ ߓߍ߲߭ ߞߐ ߊ߬ ߘߐ߫߸ ߊ߬ߟߎ߬ ߓߘߴߊ߬ ߟߊߕߍ߰ ߞߏ߫ ߓߊ߲߬ߒߓߊ߰ߕߋ߬ ߞߙߎ ߟߎ߬ ߞߊ߫ ߞߊ߲߫ ߠߋ߬ ߞߊ߬ ߞߣߍ ߟߎ߬ ߓߌߟߊ߬߸ ߊ߬ ߣߌ߫ ߞߊ߬ ߝߙߍ߬ ߖߐ߲ߖߐ߲߫ ߠߎ߫ ߕߊ߬߸ ߞߊ߬ ߡߌ߬ߙߌ߲߬ߘߌ ߟߊߞߊ߲ߘߊ߫، ߊ߬ ߣߌ߫ ߡߐ߱ ߡߍ߲ ߠߎ߬ ߥߊ߫ ߘߊ߫ ߞߍ߬ߟߍ ߘߐ߫߸ ߏ߬ ߟߎ߬ ߘߌ߫ ߛߋ߫ ߢߊ߫ ߡߍ߲ ߞߵߊ߬ߟߎ߬ ߓߐ ߦߙߐ ߟߎ߬ ߟߊߛߐ߬ߘߐ߲߬، ߊ߬ߟߎ߬ ߦߴߊ߬ߟߎ߬ ߛߌ߲ߛߌ߲߫ ߠߊ߫ ߛߐ߬ߘߐ߲߬ߞߏ ߦߙߌߥߊ ߝߣߊ߫ ߞߊ߲߬ ߞߏߛߓߍ߫، ߙߏߥߊ߲ߘߊ߫ ߞߐߞߊ߲ߞߏ ߞߏߕߌ߮ ߏߟߏߝ߭ߑߍ߲ߣ ߘߐߡߑߞߙߋ߫ ߞߵߊ߬ ߦߌ߬ߘߊ߬ ߞߏ߫ ߓߍ߯ߦߊ߫ ߞߏ߲߬ߞߏ߬ ߣߌ߫ ߙߏߥߊ߲ߘߊ߫ ߟߊ߫ ߓߍ߲߬ߞߊ߲ ߞߟߊ߬ߣߐ߰ߦߊ߬ߟߌ ߞߍ߫ ߘߊ߫ ߟߋ߬ ߘߏߣߊߟ ߕߑߙߐ߲ߔ ߛߌ߰ߣߍ߲ ߢߣߊ߫߸ ߊ߬ ߞߊ߬ ߖߡߊ߬ߣߊ߫ ߝߌ߬ߟߊ߫ ߡߍ߲߬ ߠߎ߫ ߕߊ߲߬ߘߏ߫ ߟߋ߬ ߥߊߟߢߌߡߊߟߐ߲ ߠߊ߫ ߞߏߛߓߍ߫.
